Ադրբեջանը կապահովվի ռուսական Կարմիր Խաչի բեռնատարի մուտքը Ակնա, այնտեղից էլ՝ Ասկերան

Ադրբեջանի խորհրդարանի անվտանգության հարցերով հանձնաժողովի փոխնախագահը հայտարարել է, որ վաղը կապահովվի ռուսական Կարմիր Խաչի բեռնատարի մուտքը Ակնա, այնտեղից էլ՝ Ասկերան:

Հիշեցնենք, որ Արցախի տեղեկատվական շտաբից հայտնել էին, որ Ռուսաստանի Դաշնության կառավարությունը հանդես է եկել Արցախի Հանրապետությանը հումանիտար օգնություն տրամադրելու նախաձեռնությամբ՝ հաշվի առնելով Արցախում ստեղծված հումանիտար ճգնաժամը:

Ըստ հայտարարության` օգնությունը, որը պարունակում է ռուսական արտադրության կենսական նշանակության ապրանքներ, օրերս Արցախ էր ուղարկվել ռուսական Կարմիր խաչի միջոցով՝ այդ կազմակերպության մեքենաներով: