Ադրբեջանը պետք է դադարեցնի ռազմական գործողությունները. Շվեդիայի ԱԳՆ
20 Սեպտեմբերի 2023, 00:33
Շվեդիայի արտաքին գործերի նախարարությունն անդրադարձել է Լեռնային Ղարաբաղում Ադրբեջանի ռազմական գործողություններին՝ շեշտելով, որ Ադրբեջանը պետք է ԼՂ հայերի և Բաքվի միջև երկխոսություն թույլ տա:
Շվեդիայի ԱԳՆ-ն «Թվիթեր»-ում կիսվել է բարձր հանձնակատար Ջոզեպ Բորելի գրառմամբ, որով ԵՄ-ն դատապարտել էր ռազմական էսկալացիան:
Շվեդիայի արտգործնախարարությունը հիշեցրել է՝ ԵՄ-ն կոչ է անում անհապաղ դադարեցնել ռազմական գործողությունները Լեռնային Ղարաբաղում:
«Ադրբեջանը պետք է դադարեցնի ռազմական գործունեությունը և Բաքվի ու Ղարաբաղի հայերի միջև իրական երկխոսություն թույլ տա»,-նշել են Շվեդիայի ԱԳՆ-ից:
Հիմա եթերում
