Ադրբեջանը խաղաղության պայմանագիր կնքելու ցանկություն չունի. Ալեքսանդր Ցինկեր

Իսրայելում Արևելյան Եվրոպայի և ինստիտուտի տնօրեն Ալեքսանդր Ցինկերը Alpha News-ի հետ զրույցում անդրադարձել է Հայաստանում հակամարտության նոր սրման հավանականությանը։

«Էսկալացիան միանգամայն հնարավոր է, բայց ոչ այդ փոխհրաձգությունների մակարդակով, դա միայն արտաքին ֆոնն է։ Կարևոր է, օրինակ, Ադրբեջանը պատրաստվում է խաղաղության պայմանագիր կնքել, թե ոչ։ Առայժմ, ինչպես միշտ ասել եմ, չեմ տեսնում, որ խաղաղության պայմանագիր կնքելու ցանկություն ունի: Բաքուն ցանկանում է պահպանել ներկայիս վիճակը սահմանին։ Այսինքն՝ դա դինամիկ հավասարակշռություն է, որը կարող է տեղաշարժվել ցանկացած ուղղությամբ։

Եթե ինչ-որ պահի Ադրբեջանն ու Թուրքիան որոշեն, որ եկել է պահը, և նրանք կարող են փորձել այս հավասարակշռությունը տեղափոխել սահմանին ինչ-որ գործողություններ սկսելու ուղղությամբ, ապա այդ պատճառը միշտ կգտնվի, կասեն, որ հայկական զինուժը գնդակոծում է սահմանը և որոշ խաղաղ գյուղեր, բնակավայրեր, և մենք դա չենք հանդուրժի, դրա համար էլ սկսեցինք»,- ընդգծել է Ցինկերը։

Ըստ նրա՝ եթե ինչ-որ փուլում Ադրբեջանն, այնուամենայնիվ, հասկանա, որ պետք է խաղաղության պայմանագիր կնքել, ապա, կարծում եմ, սահմանին փոխհրաձգությունները երկու կողմից կդադարեն։

«Որքան հասկանում եմ, Հայաստանը պատրաստ է խաղաղության պայմանագիր կնքել, իսկ Ադրբեջանը դադար է տվել՝ հավանաբար հիմա փորձելով ինչ-որ բան որոշել իր համար»,- եզրափակել է Ցինկերը։