Ալբերտ Ասրիյան․ Երաժշտությունը նրա կյանքն էր

Alpha News-ը շարունակում է ներկայացնել «Ալֆա պերսոնա» շարքը:

Ալբերտ Ասրիյանը ծնվել է 1951թ. հունիսի 28-ին, հայ ընտանիքում։ 

15 տարեկանից ընդունվել է երաժշտական դպրոցի ջութակի դասարան, ավելի ուշ սովորել է երաժշտական կոմպոզիցիա։ 

Ասրիյանը անմիջապես աչքի է ընկել որպես երիտասարդ տաղանդ: նա ստեղծել է ջազային և ռոք խմբեր և նույնիսկ ղեկավարել դրանք: 

Բացի դասականներից, նա ինքնուրույն ուսումնասիրել է այնպիսի հայտնի երաժիշտների ստեղծագործոթյունները, ինչպիսիք են Լուի Արմսթրոնգը, Էլլա Ֆիցջերալդը, Բիլի Հոլիդեյը, Դիզի Գիլեսփին, Դյուկ Էլինգթոնը, նրանց շնորհիվ նա հստակ զարգացրել է իր երաժշտական ուղղությունը: 

1976 թվականի վերջին Ալբերտ Ասրիյանը դարձել էր բավականին ճանաչված երաժիշտ։ Այդ ժամանակ նա աշխատում էր «Սևգիլիմ» և «Աշուղներ» խմբերում՝ լինելով ստեղնաշարահար և գործիքավորող։  

Երաժիշտը ելույթ է ունեցել Մոսկվայի «Ռոսիա» պետական համերգասրահում, Արհմիությունների տանը և Կրեմլի Կոնգրեսների պալատում։ Նրա երաժշտությունը սիրում և հարգում էին բոլորը: 

Ալբերտը միացել է իր պատանեկան ընկերոջ և գործընկեր Բորիս Վիշնևկինի «Շաբաս» խմբին, որի հետ հանդես է եկել նախկին ԽՍՀՄ քաղաքներում։ Նրանք միասին ալբոմ են ձայնագրում Մոսկվայում։ Միաժամանակ նա աշխատել է սեփական ջութակի շոուով Բաքվի հայ երաժիշտների հետ՝ կատարելով հայկական ժողովրդական և էստրադային երաժշտություն։ 

Հարկ է նշել, որ Ասրիյանը կարևոր մասնակցություն է ունեցել Նյու Յորք և Նյու Ջերսի նահանգների հայ համայնքի կյանքում՝ հայկական ժողովրդական ստեղծագործության ամենամյա փառատոներ կազմակերպելու, մասնակցելու և ամերիկահայ երիտասարդ սերնդի հետ երկար տարիների բեղմնավոր աշխատանքի համար։ Ալբերտը բազմիցս պարգևատրվել է ԱՄՆ Հայ Առաքելական Եկեղեցու Արևելյան թեմի առաջնորդի կողմից։ 

Ալբերտ Ասրիյանը մահացել է 2007 թվականի նոյեմբերի 28-ին։