Ալեքսանդր Մնացականյան․ Արվեստագետ, ով կրթել է կոմպոզիտորների մի ամբողջ սերունդ

Alpha News-ը շարունակում է ներկայացնել «Ալֆա պերսոնա» շարքը:

Սեպտեմբերի 3-ը հայ անվանի խորհրդային կոմպոզիտոր Ալեքսանդր Մնացականյանի ծննդյան օրն է:

Մնացականյանը ծնվել է 1936 թվականին Երևանում։ Ավարտել է Երևանի Պ. Չայկովսկու անվան դպրոցի ջութակի դասարանը։ 1961թ. ավարտել է Լենինգրադի կոնսերվատորիայի կոմպոզիցիայի ֆակուլտետը (Օ.Եվլախովի դասարան) և նվագախմբային ֆակուլտետի ջութակի բաժինը:

1965 թվականից սկսել է դասավանդել Լենինգրադի կոնսերվատորիայում։ Արդեն 1973 թվականից դարձել է տեսական-կոմպոզիտորական ֆակուլտետի դեկան, իսկ ավելի ուշ՝ հատուկ կոմպոզիցիայի և իմպրովիզացիայի ամբիոնի վարիչ:

Ալեքսանդր Մնացականյանը ՌԽՖՍՀ արվեստի վաստակավոր գործիչ է, պարգևատրվել է «Բարեկամություն» շքանշանով, արժանացել է նաև Շոստակովիչի անվան դափնեկրի կոչման։ Ալեքսանդր Դերենիկովիչը դասավանդել է բազմաթիվ արվեստահետների, որոնք արժանիորեն ներկայացրել են երկիրը միջազգային հարթակներում:

Կոմպոզիտորը մահացել է 2013 թվականի հունվարի 8-ին, թաղված է Սանկտ Պետերբուրգի Սմոլենսկի գերեզմանատանը։