Ալեքսեյ Սիսակյանի 80-ամյակին նվիրված գրականության ցուցահանդես՝ ՄՀՄԻ գիտատեխնիկական գրադարանում
17 Հոկտեմբերի 2024, 09:20
Մոսկվայի մարզի Դուբնա քաղաքի գիտատեխնիկական գրադարանում բացվել է Միջուկային հետազոտությունների միացյալ ինստիտուտի տնօրեն (2006-2010թթ.) Ալեքսեյ Սիսակյանի ծննդյան 80-ամյակին նվիրված գրականության ցուցահանդես:
Ալեքսեյ Սիսակյանը 400-ից ավելի գիտական աշխատությունների հեղինակ է տարրական մասնիկների ֆիզիկայի, տեսական և մաթեմատիկական ֆիզիկայի բնագավառներում: Իր կյանքի ընթացքում նրա սիրելի զբաղմունքը պոեզիան էր։ Սիսակյանը մի շարք բանաստեղծական ժողովածուների հեղինակ է։
Ցուցահանդեսում ներկայացված են ականավոր գիտնականի մենագրությունները, բանաստեղծությունների ժողովածուները, ամսագրային հոդվածները և այլն։ Գրադարանում կարելի է գտնել նաև ֆիզիկայի, մաթեմատիկայի, աստղագիտության նոր աշխատություններ, ժողովածուներ և երկեր։
Հիմա եթերում
