ԱՄՆ-ի գաղտնի ծառայությունը հետաքննում է Թրամփի կողքին տեղի ունեցած հրաձգության միջադեպը

ԱՄՆ-ի գաղտնի ծառայությունը հետաքննում է ԱՄՆ-ի նախագահի թեկնածու Դոնալդ Թրամփի կողքին տեղի ունեցած հրաձգության միջադեպը։ Այս մասին հայտարարել է գերատեսչության մամուլի քարտուղարը:

Ավելի վաղ նախկին նախագահի որդին համացանցում հայտնել էր, որ հրաձգության վայրից ոչ հեռու՝ Թրամփի գոլֆի ակումբի մոտ, հայտնաբերվել է ԱԿ-47 ինքնաձիգ, կասկածյալը, ենթադրաբար, ձերբակալվել է: Իսկ New York Post պարբերականը հայտնել է, որ Թրամփի գոլֆի ակումբի տարածքից դուրս երկու մարդ կրակել են միմյանց վրա, և նախկին նախագահը թիրախ չի եղել:

Ավելի վաղ կոնգրեսական Թեյլոր-Գրինը հայտարարել էր, որ Թրամփի դեմ հերթական մահափորձն է կատարվել։