ԱՄՆ-ում ծրագրվող համաձայնագրերը չեն բխում Երևանի շահերից. Կոնստանտին Զատուլին
08 Օգոստոսի 2025, 12:45
ԱՄՆ-ում Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման համար նախատեսվող համաձայնագրերը չեն բխում Երևանի շահերից: Այս մասին ՏԱՍՍ-ի հետ զրույցում ասել է Պետդումայի ԱՊՀ հարցերով կոմիտեի նախագահի առաջին տեղակալ Կոնստանտին Զատուլինն՝ անդրադառնալով Բաքվի և Երևանի միջև պատրաստվող խաղաղության պայմանագրի պայմաններին։
Ավելի վաղ ԶԼՄ-ներում տեղեկություն էր հայտնվել այն մասին, որ Բաքվի և Երևանի միջև խաղաղության պայմանագրի կնքման շրջանակներում ԱՄՆ-ն առաջարկել է մասնավոր ընկերության վերահսկողությանը հանձնել այսպես կոչված «Զանգեզուրի միջանցք»-ի՝ Ադրբեջանի հիմնական մասը Նախիջևանին կապող 40 կիլոմետրանոց տրանսպորտային միջանցքի կառավարումը։
«Դա ոչ մի կերպ չի կարող ձեռնտու լինել Հայաստանին, եթե, իհարկե, խոսքն անձամբ Փաշինյանի մասին չէ, քանի որ նա չի մտածում ազգային շահերից տեսանկյունից։ Նա փորձում է Հայաստանն ու իրեն ներդնել արևմտյան աշխարհում՝ միաժամանակ հրաժարվելով ազգային շահերից։ Դա, անշուշտ, համապատասխանում է Ադրբեջանի և Թուրքիայի շահերին», — ասել է պատգամավորը:
Նա նշել է, որ եթե խաղաղ կարգավորման միջնորդության վճարը դառնա այսպես կոչված «Զանգեզուրի միջանցք»-ը ԱՄՆ-ի վերահսկողությանը հանձնելը, ապա դա սպառնալիք կդառնա նաև Իրանի համար: «Սա, անշուշտ, ԱՄՆ-ի և որոշ չափով Իսրայելի շահն է, որովհետև «Զանգեզուրի միջանցք»-ը և Ադրբեջանի ու Թուրքիայի համախմբումն, իհարկե, սպառնում է ոչ միայն մեզ, այլև Իրանին», — հայտնել է պատգամավորը:
Հիմա եթերում
