ԱՄՆ-ը Հայաստանում խթանում է արևմտամետ կուսակցություններին՝ օգնելով նրանց մտնել խորհրդարան. ՌԴ ԱՀԾ
27 Նոյեմբերի 2024, 11:26
Վաշինգտոնը սկսել է Հայաստանում արևմտամետ կուսակցությունների քաղաքական «առաջխաղացումը» ապահովել՝ օգնելու նրանց մտնել խորհրդարան 2026 թվականի ընտրություններում, կուսակցություններին հանձնարարված է հակազդել իշխանություններին, եթե նրանք փորձեն հետևել Վրաստանի օրինակին: Այս մասին հայտարարություն է տարածել ՌԴ Արտաքին հետախուզության ծառայությունը:
«Արդեն սկսվել է արևմտամետ կուսակցությունների քաղաքական «առաջխաղացումը»՝ 2026 թվականի ընտրություններում նրանց մուտքը խորհրդարան ապահովելու համար։ Նրանք ելքը տեսնում են Հայաստանում գործող «անբավարար վստահելի» իշխանություններին իրենց կամակատարներով «ուժեղացնելու» մեջ։ Միավորված գլոբալիստական ժողովրդավարացման շրջանակներում այդպիսիք են համարվում Արամ Սարգսյանի «Հանրապետություն», Արման Բաբաջանյանի «Հանուն Հանրապետության» կուսակցությունները, Տիգրան Խզմալյանի «Հայաստանի Եվրոպական կուսակցություն»-ը և Լևոն Շիրինյանի «Քրիստոնեա-դեմոկրատական կուսակցություն»-ը»,- ասվում է հայտարարության մեջ:
Հիմա եթերում
