Սա կլինի մի համակարգ, որտեղ Հայաստանն Իրանի հետ կապված դիտորդի դեր կունենա. Անատոլի Մատվիյչուկ

Ռուս ռազմական փորձագետ Անատոլի Մատվիյչուկը Alpha News-ին մեկնաբանել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ’Բրայենի՝ նախօրեին արված հայտարարությունը, թե ԱՄՆ-ը փորձում է պայմաններ ստեղծել, որ Հայաստանը հրաժարվի Ռուսաստանի հետ ավանդական ամուր հարաբերություններից, ինչպես նաև Կենտրոնական Ասիայից դեպի Եվրոպա Հայաստանով ու Ադրբեջանով ցամաքային ճանապարհ կառուցելու անհրաժեշտության մասին՝ շրջանցելով Ռուսաստանն ու Չինաստանը:

«Փաստն այն է, որ անգլոսաքսոնները 19-րդ դարի վերջից հենց այս տարածաշրջանում նավթ գտան, անընդհատ փորձում էին այն պոկել Ռուսաստանից և շրջանցումներ անել։ Նրանք հիմա փորձում են պատառոտել Հայաստանին, որը Ռուսաստանի դաշնակիցն ու ուղեկիցն է եղել իր ողջ կյանքում, և փորձում են այդ առևտրային ճանապարհը դարձնել նրա տարածքով՝ Վրաստան, Ադրբեջան, Թուրքիա՝ շրջանցելով Իրանը։

Գիտե՞ք, սա ոչ մի տեղ տանող ճանապարհ է: Սա, եթե կուզեք, նեոգաղութային քաղաքականություն է, որը փորձում է Հարավային Կովկասը ներդնել Ռուսաստանին շրջանցելու և արգելակելու իր համակարգում»,- ասում է Մատվիյչուկը։

Ըստ Alpha News-ի զրուցակցի՝ Ռուսաստանի փոխարեն արևմտյան երկրների ժամանումը Հայաստան կլինի նրանց նեղ կենտրոնացված խնդիրները լուծելու բանալին, և ամենևին ոչ ի շահ Հայաստանի։ Իսկ Հայաստանն այս սխեմայում կունենա իր բացասական դերը։

«Ռուսաստանն իր ողջ կյանքում օգնության ձեռք է մեկնել Հայաստանին։ Եթե Ռուսաստանը հեռանա այնտեղից, ապա այնտեղ կգան ֆրանսիացիները, ՆԱՏՕ-ի երկրները, բնականաբար, ԱՄՆ-ն, որոնք կլուծեն իրենց անձնական խնդիրները՝ շրջանցելով Հայաստանի խնդիրները։ Եվ մենք պետք է հասկանանք նաև, որ սա լինելու է Իրանի մեկուսացման համակարգը, որտեղ Հայաստանը կխաղա պահակի դերը, որը պետք է «մռնչա» Իրանի վրա»,- եզրափակել է փորձագետը։