«ANCA-WR Gala-2024»-ի մրցանակները կհանձնի Fox 11-ի հաղորդավարուհի Արաքսյա Կարապետյանը
30 Օգոստոսի 2024, 17:10
Ամերիկայի Արևմտյան շրջանի Հայ դատի հանձնախումբը հայտարարել է, որ Fox 11-ի հաղորդավար և թղթակից Արաքսյա Կարապետյանը կմասնակցի 2024 թվականի ANCA-ի Արևմտյան շրջանի գալա մրցանակաբաշխությանը՝ Սթիվ Արթինյանի անվան Visionary Activist մրցանակը հանձնելու լրագրության ասպարեզում ամերիկահայությանը ծառայած անհատներին և լրագրողներին։
Կարապետյանին ծանոթ է ANCA-WR Gala մրցանակաբաշխությանը․ նա 2019 թվականի արժանացել է ANCA-WR Gala-ի «Գերազանց լրատվամիջոց» մրցանակին։ Հայ հաղորդավարուհին նաև որպես հանդիսավար մասնակցել է 2023 թվականի ANCA-WR Կրթական կոմիտեի Ցեղասպանության կրթական մրցանակաբաշխության արարողությանը:
«Մեզ համար մեծ պատիվ է, որ »Էմմի» մրցանակակիր լրագրող Արաքսյա Կարապետյանը զարդարելու է մեր բեմը», — ասել է ANCA-WR տնօրենների խորհրդի նախագահ Օշին Հարութոնյանը:
«Լրագրությունը հանրային ծառայության կենսական ձև է: Դա ինձ տալիս է նպատակ և հնարավորություն՝ կրթելու, պաշտպանելու և մարդկանց սրտերն ու մտքերը բացելու համար», — ասել է Արաքսյա Կարապետյանը, որը «Good Day LA»-ի համահեղինակն է Fox 11 News-ում:
«Պատմությունների միջոցով ես անհատներին առաջարկում եմ հարթակ՝ կիսվելու իրենց փորձառությամբ՝ ուշադրություն հրավիրելով նրանց խնդիրների և պայքարի վրա: Ես իսկապես երախտապարտ եմ այս բովանդակալից աշխատանքը կատարելու հնարավորության համար»,- ասել է Արաքսյա Կարապետյանը:
ANCA-WR-ն իր տարեվերջի մրցանակաբաշխությունն անցկացնելու է խորհրդանշական «Beverly Hilton» հյուրանոցում 2024 թվականի հոկտեմբերի 20-ին և խրախուսում է համայնքի անդամներին, ղեկավարներին և հաստատություններին ներկա գտնվել: Տոմսեր, սեղաններ և հովանավորություն կարելի է ձեռք բերել՝ այցելելով միջոցառման կայք՝ https://ancawr.org/2024-anca-wr-gala/:
Նյութը՝ asbarez.com-ից
Հիմա եթերում
