Անհամբերությամբ սպասում ենք խաղաղության պայմանագրի ստորագրման հետագա առաջընթացին․ ԱՄԷ նախագահ

Արաբական Միացյալ Էմիրությունները մեծ նշանակություն է տալիս Կովկասյան տարածաշրջանում խաղաղության և կայունության հաստատմանը և հետաքրքրված է տարածաշրջանի բոլոր երկրների հետ կապերի և համագործակցության զարգացմամբ, առաջին հերթին ելնելով ժողովուրդների շահերից՝ Ադրբեջանի գլխավորությամբ։ Այս մասին Ադրբեջանի նախագահ Իլհամ Ալիևի հետ ընդլայնված հանդիպման ժամանակ հայտարարել է Արաբական Միացյալ Էմիրությունների նախագահ Շեյխ Մոհամմեդ բին Զայեդ Ալ Նահյանը։

«Այդ համատեքստում Ադրբեջանի և Հայաստանի միջև խաղաղության պայմանագրի ստորագրման ուղղությամբ անհամբեր սպասում ենք ձեռք բերված հաջողությունների շարունակմանը և դրական առաջընթացին»,- հայտարարել է ԱՄԷ նախագահը։