Աննա Մելիքյան. կինոյի աշխարհը գրաված հայուհին

Alpha News-ը շարունակում է ներկայացնել «Ալֆա պերսոնա» շարքը:

Այսօր հայտնի կինոռեժիսոր, սցենարիստ և պրոդյուսեր Աննա Մելիքյանի ծննդյան օրն է, նա դառնում է 48 տարեկան:

Աննա Մելիքյանը ծնվել է 1976 թվականի փետրվարի 8-ին Բաքվում, բայց երբ 1988 թվականին այնտեղ սկսվեց ցեղասպանությունը, ընտանիքը տեղափոխվեց Երևան: Սոված ու ցուրտ 90-ականներին ընտանիքը շատ դժվար էր, նրանք պետք է արթնանային ժամը 5-ին կտրոնով հաց գնելու համար, իսկ լույսի ու տաք ջրի մասին խոսք անգամ չկար։

Ճակատագրի բերումով Մելիքյանը հայտնվեց Մոսկվայում։ Երազում էր ընդունվել Մանկավարժական ինստիտուտի օտար լեզուների ֆակուլտետ, բայց չհասցրեց հանձնել քննությունները: Չցանկանալով մեկ տարի կորցնել, փաստաթղթերը ներկայացրել է Գերասիմովի անվան կինեմատոգրաֆիայի համառուսական պետական ինստիտուտը՝ ընտրելով ռեժիսորի մասնագ: Այս ոլորտում հայտնվելուց հետո Աննան հասկացավ, որ դա հենց այն է, ինչ նա պատրաստ է անել ամբողջ կյանքում:

2000-ականների սկզբին Մելիքյանն աշխատում էր որպես ռեժիսոր հեռուստատեսությունում, նկարահանում էր գովազդային հոլովակներ, սցենարներ գրում ժամանցային հաղորդումների համար։
Իր առաջին կարճամետրաժ ֆիլմերը նա սկսել է նկարահանել դեռ ուսանողական տարիներին։ Սկսնակ ռեժիսորի աշխատանքները գերել են ֆիլմերի գիտակներին։

2000 թվականին «Թռան» ֆիլմն արժանացել է Միլանի և Իսմայիլիայի միջազգային կինոփառատոների մրցանակների։

«Ջրահարսը» ֆիլմի նկարահանումների համար Մելիքյանը հիմնել է սեփական «Մագնում» կինոընկերությունը։

Աննա Մելիքյանի աշխատանքները բազմիցս առաջադրվել են «Օսկար», «Տեֆի» և այլ հեղինակավոր մրցանակների, որտեղ նա ճանաչվել է լավագույնը: