Աննա-Տեր-Վարդանյան․ ԱՄՆ ռազմածովային ուժերի առաջին կին գերագույն գլխավոր ավագը

Alpha News-ը շարունակում է ներկայացնել «Ալֆա պերսոնա» շարքը:

Աննա Տեր-Վարդանյանը ծնվել է 1920 թվականի ապրիլի 29-ին հայ գաղթականների ընտանիքում: 1941–1942 թվականներին Վարդանյանը սովորել է Դետրոյթի բիզնես համալսարանում, որից հետո ընդունվել է Կանանց օդային օժանդակ կորպուս։ Վարդանյանն այնուհետև միացել է Կանայք արտակարգ իրավիճակներում կամավոր ծառայությանը (WAVES)։

Աննա Տեր-Վարդանյանը դարձել է առաջին կինը, որ զբաղեցրել է Միացյալ Նահանգների ազգային ռազմական ներկայացուցչի, Եվրոպայում դաշնակից ուժերի գերագույն գրասենյակի գլխավոր քարտուղարը:

1963 թվականին, ԱՄՆ ռազմածովային ուժերից հեռանալուց հետո, Աննա Տեր-Վարդանյանը սկսել է աշխատել ԿՀՎ-ում՝ որպես կրտսեր վերլուծաբան, իսկ հետո դարձել հակահետախուզության մասնագետ։

Իր ռազմական կարիերայի 20 տարիների ընթացքում Տեր-Վարդանյանը ծառայել է ԱՄՆ գրեթե բոլոր նահանգներում։

Հարկ է նշել, որ նա գերազանց տիրապետել է հայերենին ու ֆրանսերենին, իհարկե, նաև անգլերենին։ Տիրապետում էր նաև իսպաներեն և գերմաներեն լեզուներին։

Նա նվիրական երազանք ուներ՝ այցելել Հայաստան, բայց, ցավոք, նրան այդպես էլ չհաջողվեց լինել հայրենի հողում ։

Աննա Տեր-Վարդանյանը մահացել է 2011 թվականի օգոստոսի 4-ին։