Արամ Խաչատրյան. 20-րդ դարի լեգենդը
06 Հունիսի 2024, 23:50
![](https://media.alphanews.am/wp-content/uploads/2024/06/06223110/photo1717702320.jpeg)
Alpha News-ը շարունակում է ներկայացնել «Ալֆա պերսոնա» շարքը:
Հունիսի 6-ին Խորհրդային և հայ ականավոր կոմպոզիտոր, դիրիժոր, բազմաթիվ երաժշտական ստեղծագործությունների հեղինակ Արամ Խաչատրյանի ծննդյան օրն է:
Արամ Խաչատրյանն ամբողջ աշխարհին հայտնի էր մի յուրահատուկ առանձնահատկությամբ` նա կարողանում իր ստեղծագործություններում լայնորեն օգտագործել հայկական ազգային երաժշտությունը՝ էլ ավելի ընդգծելով հայրենիքի գեղեցկությունն ու մշակույթը:
Կոմպոզիտորը յուրահատուկ շնորհ ուներ, քանի որ մանրակրկիտ գիտեր իր ստեղծագործությունների ձայնագրությունների յուրաքանչյուր նոտա:
Արամ Իլյիչը 45 երջանիկ տարի է ապրել իր կնոջ՝ Նինա Մակարովայի հետ, ով նույնպես խորհրդային առաջատար կոմպոզիտորներից էր: Նրանք իրավամբ համարվում էին այդ ժամանակների երաժշտական էլիտայի ամենահայտնի զույգը:
Տաղանդավոր հայը դարձել է 20-րդ դարի լեգենդ, նրան ամբողջ աշխարհում ճանաչում են որպես պատմության ականավոր երաժշտական գործիչներից մեկը: ՅՈՒՆԵՍԿՕ-ն Խաչատրյանի անունը դասում է 20-րդ դարի ամենահայտնի կոմպոզիտորների շարքին, իսկ նրա «Սուսերով պարը» հանրահայտ «Գայանե» բալետից զբաղեցնում է մեր ժամանակների ամենահայտնի ստեղծագործությունների ցանկի առաջին տեղերից մեկը:
Արամ Խաչատրյանը ոգեշնչվել է իր սիրելի Հայաստանով, ինչի պատճառով էլ, հավանաբար, կոմպոզիտորի բոլոր ստեղծագործություններն այդքան գեղեցիկ են։ Նշենք նաև, որ նրա երաժշտությունը հնչել է բազմաթիվ ֆիլմերում ու բեմադրություններում: