Արարատ Մղդսյանը և Ռաֆայել Դեմուրչյանը՝ «Սամբոն դպրոցում» նախագծի մենթորներ և համակարգողներ

Սամբոյի Ռուսաստանի սպորտի վարպետներ Արարատ Մղդսյանը և Ռաֆայել Դեմուրչյանը դարձել են ռուսական Արմավիր քաղաքի «Սամբոն դպրոցում» ծրագրի մենթորներ և համակարգողներ։ Նրանք աշխատանք կտանեն 10 դպրոցում:

«Այժմ պատրաստվում ենք դպրոցական սամբոյի լիգայի մրցաշարին։ Դպրոցները հավաքում են 12-14 տարեկան տղաների և աղջիկների թիմեր: Քաղաքային փուլի հաղթողները կներկայացնեն Արմավիրը։ Այնուհետև տեղի կունենան «Դպրոցական սամբոյի լիգա» մրցումները Հարավային դաշնային շրջանի և ամբողջ Ռուսաստանի մակարդակով»,- ասել է Արարատ Մղդսյանը։

Դասընթացավարներն օգնում են ֆիզկուլտուրայի ուսուցիչներին ճիշտ կազմակերպել սամբոյի դասերը և վարպետության դասեր անցկացնել ուսուցիչների համար։