Արցախի ժողովուրդը եկվոր չէ, Արցախի ժողովուրդը ծնունդն է մեր Արցախի. Մեծի Տանն Կիլիկիո Արամ Ա կաթողիկոս

Արցախում և Երևանում միաժամանակ մեկնարկել է համաժողովրդական ակցիան: Ակցիային տեսաուղերձով միացել է նաև Մեծի Տանն Կիլիկիո Արամ Ա կաթողիկոսը։

«Ողջ Սյուռքը ձեզ հետ է, մենք քաջ գիտենք, որ Արցախն իր ժամանակակից պատմության ամենաճակատագրական պահի մեջ է:

Մենք բոլորս պետք է մեր հավատքը, մեր կամքն ավելի ամրապնդենք։ Եվ Արցախի ապագայի նկատմամբ մեր տեսլականը պետք է պահենք միշտ պայծառ։ Անցյալում Արցախը մերն է եղել, այսօր Արցախը մերն է։ Եվ հավատացեք Արցախը միշտ պետք է մնա Արցախի ժողովրդին:

Արցախը միշտ եղել է ինքնավար, Արցախի մեր ժողովուրդը եկվոր չէ, Արցախի մեր ժողովուրդը ծնունդն է մեր Արցախի»,- ընդգծել է կաթողիկոսը։