Արցախում կատարված հանցագործությունը չպետք է անպատիժ մնա. ԵԽ պատգամավոր

Եվրախորհրդարանում Լեռնային Ղարաբաղում տիրող իրավիճակի վերաբերյալ բանավեճը շատ կարևոր է այս ուղղությամբ ԵՄ հետագա գործողությունների համար։ Այս մասին Apha News-ին տված հարցազրույցում ասել է Գերմանիայից Եվրախորհրդարանի պատգամավոր Լարս Պատրիկ Բերգը։

«Սա շատ ողբերգական հարց է, մարդկանց վտարել են իրենց հայրենիքից՝ ավելի քան 100 հազար արցախահայի։ Սա միայն ողբերգություն չէ, հանցագործություն է տեղի ունեցել: Կարծում եմ՝ բանավեճից հետո այս հարցը պետք է բարձրացվի ավելի բարձր մակարդակում՝ միջազգային հարթության վրա»,- նշեց պատգամավորը։

«Մենք՝ որպես ԵՄ-ի և այլ շահագրգիռ կողմերի ներկայացուցիչներ, պետք է հետևողական միջոցներ ձեռնարկենք, քանի որ շատ վատ կլինի, եթե նման հանցագործությունն անպատիժ մնա։ Հակառակ դեպքում, կարելի է ենթադրել, որ ուժեղները կսպառվեն, իսկ մնացած բոլորը կճնշվեն։ Ուստի, այս հարցը պետք է տեղափոխվի բարձրագույն մարմիններ և պատժամիջոցներ սահմանվեն Ադրբեջանի դեմ»,- ընդգծել է Բերգը։

Խոսելով Եվրախորհրդարանի բանաձեւի՝ ԵՄ խորհրդի եւ Եվրահանձնաժողովի վրա հնարավոր ազդեցության մասին ՝ նա նշել է, որ այս ամենը միայն խոսքեր են։

«Կարևորը քաղաքական կամքն է՝ այս հարցը եվրոպական կառույցներով մղելու համար։ Սա սկիզբն է, և մենք պետք է հետևողականորեն առաջ տանենք այս խնդիրը»,- ասել է նա:

Խոսելով Հայաստանում բռնի տեղահանվածերի առջև ծառացած խնդիրների մասին՝ Բերգը ընդգծել է Գորիսում և Հայաստանի այլ քաղաքներում հայտնված արցախահայերին Հայաստանի կառավարության կողմից բժշկական և հումանիտար աջակցություն տրամադրելու կարևորությունը։

«Բռնի տեղահանվածներին մարդասիրական աջակցության ցուցաբերումը շատ կարևոր է», — նշել է նա։