Արևմուտքը առանձնահատուկ տնտեսական շահեր չունի Հայաստանում. Դմիտրի Տրենին

Alpha News-ի ուղիղ եթերում ռուս քաղաքագետ, Տնտեսագիտության բարձրագույն դպրոցի ռազմական տնտեսագիտության և ռազմավարության ինստիտուտի պրոֆեսոր և գիտական ղեկավար Դմիտրի Տրենինը նշել է, որ Թուրքիայի հետ հարաբերությունները և Ադրբեջանի հետ տնտեսական կապերը առաջնահերթ նշանակություն ունեն Արևմուտքի համար։

«Ըստ Հայաստանի՝ Ռուսաստանի դեմ ամենամեծ բողոքը անվտանգության ոլորտում Ռուսաստանի կողմից համարժեք աջակցության բացակայությունն է։ Այս ոլորտում Արևմուտքը դժվար թե կարողանա կոմպենսացնել Հայաստանի հեռանալը Ռուսաստանից։ Նախ՝ նա չի երաշխավորի Հայաստանի անվտանգությունը։ Ես չեմ կարող պատկերացնել մի իրավիճակ, երբ Արևմուտքը ինչ-որ հիպոթետիկ հակամարտությունում բռնի Հայաստանի կողմը, ասենք, Թուրքիայի հետ։

Արևմուտքի համար առաջնային նշանակություն ունեն Թուրքիայի հետ հարաբերությունները և Ադրբեջանի հետ տնտեսական կապերը, և ես չեմ տեսնում Արևմուտքի որևէ առանձնահատուկ տնտեսական շահ Հայաստանում։ Արևմուտքի համար գլխավորը տարածաշրջանում ռուսական ազդեցությունը դուրսմղելն է ու նվազագույնի հասցնելն է։ Այս քաղաքականությունը ընթանում է բոլոր երկրներում, որոնք ժամանակին եղել են Խորհրդային Միության և Ռուսական կայսրության կազմում, այդ թվում՝ Հայաստանում։

Ինչ վերաբերում է դիվիդենտներին։ Որքան էլ տարօրինակ թվա, վերջերս, երբ Ռուսաստանը հեռանում էր Արևմուտքից կամ նույնիսկ Ռուսաստանի և Արևմուտքի միջև տնտեսական անջրպետը, որն իմ կարծիքով ունի հիմնարար արմատներ և երկարաժամկետ բնույթ, բազմաթիվ տնտեսական կապեր, բազմաթիվ ապրանքների հոսքեր, ընդհատվել են և այլն։ Այսպիսով, այժմ այդ հոսքերը գնում են Հայաստանով, ինչը բարենպաստ ազդեցություն է ունենում ձեր երկրի տնտեսության վրա, ուստի Հայաստանը դեռևս ստանում է նման դիվիդենտներ, բայց դրանք ոչ մի կերպ կապված չեն Արևմուտքի հետ մերձեցման հետ, այլ ավելի շուտ կախված են Արևմուտքի և Ռուսաստանի միջև առկա անջրպետից»,- նկատել է քաղաքագետը։