Արի Հաբեշյանը՝ Կիպրոսի խորհրդարանական ընտրությունների ամենաերիտասարդ թեկնածու

25-ամյա քաղաքական գործիչ, հայազգի Արի Հաբեշյանը հայտարարել է մայիսի 24-ին Կիպրոսում կայանալիք խորհրդարանական ընտրություններին իր մասնակցության մասին՝ դառնալով այս ընտրապայքարի ամենաերիտասարդ թեկնածուն։

Հաբեշյանը մայրաքաղաք Նիկոսիայում առաջադրվելու է «Դեմոկրատական համախմբում» (DiPa) կուսակցությունից։

Նա ավարտել է Կիպրոսի համալսարանի քաղաքագիտության բաժինը։ Տիրապետելով հինգ լեզվի՝ 2024 թվականին Հաբեշյանը 23 տարեկանում ընտրվել է Ստրովոլոսի համայնքային խորհրդի անդամ ՝ դառնալով Կիպրոսի պատմության մեջ ամենաերիտասարդ համայնքային խորհրդականը և այդ պաշտոնը զբաղեցրած առաջին ներկայացուցիչը հայ համայնքից։