Արման Ծառուկյանը պատրաստվում է Լաս Վեգասում կայանալիք մենամարտին
20 Փետրվարի 2024, 09:42
![](https://media.alphanews.am/wp-content/uploads/2024/02/19154954/4231507.jpg)
Կիսլովոդսկի «Յուգ սպորտ» մարզաբազայում անցկացվում են խառը մենամարտերի (MMA) մարզիկների համար հավաքներ: Այս մասին հայտնում է Կիսլովոդսկի քաղաքապետարանի մամուլի ծառայությունը։
Այնտեղ մարզվում է UFC-ի վարկանիշային աղյուսակի լավագույն տասնյակում ընդգրկված ազգությամբ հայ խառը մենամարտերի ռուսաստանաբնակ մարզիկ Արման Ծառուկյանը, որը պատրաստվում է ապրիլի 13-ին Լաս Վեգասում կայանալիք մենամարտին։
Ըստ աղբյուրի՝ Ծառուկյանը խոսել է մարզաբազայի հիանալի պայմանների մասին, որոնք հարմար են ոչ միայն մարզվելու, այլև ապրելու համար՝ ընդգծելով, որ իրենք ունեն այն ամենն, ինչ անհրաժեշտ է մարզիկներին։