Արսեն Զախարյանը հանդես կգա իսպանական «Ռեալ Սոսյեդադ» ակումբում

Մոսկվայի «Դինամոյի» կիսապաշտպան Արսեն Զախարյանը հաջորդ շաբաթ կմիանա իսպանական «Ռեալ Սոսյեդադ» ակումբին։ Այս մասին հայտնել է լրագրող Ֆաբրիցիո Ռոմանոն։

Այսօր Զախարյանը կմեկնի Իսպանիա՝ բուժզննում անցնելու և տեղափոխության հետ կապված անհրաժեշտ փաստաթղթերը ստորագրելու համար։

Ավելի վաղ մամուլում տեղեկություն էր հայտնվել, որ հայ ֆուտբոլիստի տրանսֆերը ձգձգվում է նրա գործակալի հետ ունեցած խնդիրների պատճառով։

Բայց հետո տարաձայնությունները հարթվեցին, և իսպանական ակումբին ծանուցվեց բոլոր պայմանավորվածությունների ձեռքբերման մասին:

Transfermarkt-ը Զախարյանի տրանսֆերային արժեքը գնահատում է 15 միլիոն եվրո, հաղորդվում է, որ «Ռեալ Սոսյեդադ»-ը կվճարի մոտ 12 միլիոն եվրո՝ գումարած բոնուսներ 20-ամյա խաղացողի տրանսֆերի համար: