Արշիլ Գորկու «Ածխացած սիրահարները I» կտավը կհանվի աճուրդի

Հայկական արմատներով ամերիկացի նկարիչ, աբստրակտ էքսպրեսիոնիզմի հիմնադիրներից Արշիլ Գորկու «Charred Beloved I» («Ածխացած սիրահարները I») կտավը աճուրդի կհանվի Christie’s համաշխարհային արվեստի շուկայի առաջատար աճուրդի տանը։ Գլուխգործոցը գնահատվում է ավելի քան 20 միլիոն դոլար։

«Ածխացած սիրահարները I»-ը Գորկու հինգ կտավներից մեկն է, որը նկարվել է իր կարիերայի բեկումնային փուլում:

1946 թվականին այրվել է նկարչի՝ Կոնեկտիկուտում գտնվող արվեստանոցը, որտեղ նա պահում էր երկար տարիների ընթացքում կուտակված մոլբերտներ, գրքեր, լուսանկարներ, գծանկարներ և նկարներ:

Հենց այդ նույն տարում է Գորկին ստեղծել «Ածխացած սիրահարները I» կտավը:

1993 թվականից նկարը գտնվում է ամերիկացի պրոդյուսեր Դեյվիդ Գեֆենի հավաքածուի մեջ: Աճուրդի կայքում նշվում է, որ սակարկությունները կսկսվեն 14 օրից։