Հայտնի գիտնական Արտյոմ Օհանովը՝ International Core Academy of Sciences and Humanities ակադեմիայի անդամ
15 Ապրիլի 2024, 21:18
![](https://media.alphanews.am/wp-content/uploads/2024/04/15120755/zastavka-7.jpg)
Հայազգի հայտնի ռուս գիտնական, բյուրեղագետ-տեսաբան, հանքաբան, Ռուսաստանի գիտությունների ակադեմիայի պրոֆեսոր Արտյոմ Օհանովն իր տելեգրամյան ալիքում կիսվել է միջազգային հեղինակավոր ակադեմիայում իր ընտրությունը հավաստող վկայականով:
«Արդեն պաշտոնապես: Իմ ընտրությունը International Core Academy of Sciences and Humanities հեղինակավոր միջազգային ակադեմիայում»,- գրել է գիտնականը:
Արտեմ Օհանովը Ռուսաստանի գիտությունների ակադեմիայի պրոֆեսոր է, Մոսկվայի ազգային հետազոտական տեխնոլոգիական համալսարանի պրոֆեսոր, Եվրոպայի ակադեմիայի իսկական անդամ, Քիմիայի Թագավորական ընկերության իսկական անդամ, Ամերիկյան ֆիզիկական ընկերությունների իսկական անդամ: 2008-2017 թթ-ին նա եղել է Նյու Յորքի Սթոուն Բրուքի համալսարանի Նյութերի համակարգչային դիզայնի լաբորատորիայի ղեկավար։ Արտեմ Օհանովը «Ֆորբս» ամսագրի կողմից ընդգրկվել է «Աշխարհը նվաճած 50 ռուսների» ցանկում:
![](https://media.alphanews.am/wp-content/uploads/2024/04/15120812/photo_2024-04-15_11-03-53-1024x731.jpg)