Այս գիշեր Խոզնավարում երկու անգամ սահմանային կարճ կրակոցներ են հնչել. Խոզնավարի վարչական ղեկավար

Ադրբեջանի պաշտպանության նախարարությունը վերջին օրերին պարբերաբար հայտարարություններ է տարածում, թե ՀՀ ԶՈւ ստորաբաժանումները կրակ են բացում սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ: Երեկ՝ մարտի 31-ին, ՀՀ ՊՆ-ն հերթական անգամ հերքեց Ադրբեջանի ՊՆ հաղորդագրությունը և հայտնեց, որ ժամը 00:50-ի սահմաններում Ադրբեջանի ԶՈւ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տուն:

Alpha News-ը զրուցել է Սյունիքի մարզի Խոզնավար գյուղի վարչական ղեկավար Վահան Զաքյանի հետ՝ պարզելու, թե արդյոք այնտեղ ևս հնչում են կրակոցներ, թե ոչ:

«Անցած երկու օրերին որևէ կրակոց չի հնչել, բայց այս գիշեր մեկ-երկու անգամ լսվել է: Ճիշտ է, կարճ, բայց լսվել է: Կրակոցներ հնչել են 22:20-ի կողմերը, մի անգամ էլ՝ առավոտյան 04:00-ի կողմերը: Որևէ բնակելի տարածք չի թիրախավորվել»,- նշել է Զաքյանը: