Այս որոշումը նսեմացնում է Հայաստանը. Ֆրանց Կլինցևիչը՝ Հայաստանի և Ֆրանսիայի միջև ռազմատեխնիկական համագործակցության մասին

Ռուս ռազմական փորձագետ, Ռուսաստանի Դաշնության Դաշնային խորհրդի նախկին սենատոր Ֆրանց Կլինցևիչը Alpha News-ին մեկնաբանել է Հայաստանի և Ֆրանսիայի միջև ձևավորվող ռազմատեխնիկական համագործակցությունը։

«Նման որոշումը ծայրաստիճան նսեմացնում է Հայաստան պետությունը՝ իր սուբյեկտիվության և անկախության շրջանակներում, այն պատճառով, որ մեծ վնաս է հասցնում Ռուսաստանի հետ հարաբերություններին։ Փաշինյանի առջեւ, որն այս պաշտոնում նշանակվել է որպես անձ, որը պետք է մաքրի Ռուսաստանի ներկայությունը Հայաստանի տարածքում, դրված է Հայաստանում 4 սահմանապահ ջոկատի և 2 ռազմաբազայի առկայության հարցը: Դա կհանգեցնի պետական ​​ինքնիշխանության, հնարավոր է նաև Հայաստանի Հանրապետության կորստին: Այս ամենը Հայաստանի համար ծայրահեղ վատ ավարտ կունենա։ Այս պայմաններում նրա միակ փրկությունը Ռուսաստանի հետ խելամիտ համագործակցությունն է։ Բայց այդ հարաբերությունների մշտական ​​դեգրադացումը մեծ աղետ կառաջացնի հայ ժողովրդի համար»,- կարծում է փորձագետը։

Մեկնաբանելով Հայաստանի և Ռուսաստանի փոխգործակցությունը՝ նախկին սենատորը գալիս է այն եզրահանգման, որ Հայաստանի անվտանգության բանալին Ռուսաստանի հետ փոխգործակցությունն է։ Իսկ դեպի Արևմուտք թեքվելը ոչ այլ ինչ է, քան սադրանք։

«Սա Ռուսաստանի հետ նոր հարաբերությունների տենդենցի սկիզբն է։ Եվ սա կբերի այս ամենին: Հայաստանը չի ապահովելու իր անվտանգությունը: Հայաստանն այս պայմաններում չունի ո՛չ ֆինանսական, ո՛չ մարդկային ռեսուրսներ՝ թշնամուն ինքնուրույն դիմակայելու համար։ Ֆրանսիան և ԱՄՆ-ը շատ հեռու են, իսկ շատ այլ երկրներ՝ մոտ: Այնտեղ բազմաթիվ սադրիչներ կան։ Սադրիչները աշխատում են այս երկրների հետ։ Այսօր նրանց խնդիրն է՝ վարկաբեկել եւ նսեմացնել Ռուսաստանի և Հայաստանի հարաբերությունները : Սա է այս համատեքստում աշխատող հետախուզական ծառայությունների առանցքային խնդիրը:

Ֆրանսիան միջնաշերտն է: Այնտեղ մարդիկ են աշխատում։ Իսկ նա, ով կարդալ գիտի, տեսնում և հասկանում է։ Փաշինյանը վաղը չի լինելու: Նա իր որոշումներով ապահովելու է իր ապագան։ Իսկ հայ ժողովրդի դերակատարությունն ու հետագա խնդիրները, արդեն նրանց խնդիրները չեն»,- եզրափակել է Կլինցեւիչը։