Այսօր Գեորգի Գյուրջիևի ծննդյան օրն է

Alpha News-ը շարունակում է ներկայացնել «Ալֆա պերսոնա» շարքը:

Այսօր լրանում է հայտնի միստիկ և գրող Գեորգի Գյուրջիևի ծննդյան 138-ամյակը։

Գեորգի Իվանովիչը ծնվել է Ալեքսանդրապոլ քաղաքում (ներկայիս Գյումրի), սովորել է Թբիլիսիի հոգևոր ճեմարանում, սակայն, չբավարարվելով կյանքի նկատմամբ քրիստոնեական մոտեցմամբ, սկսել է զբաղվել ինքնուրույն կրոնական որոնումներով:

1912-1913 թվականներին Գյուրջիևը մեկնել է Մոսկվա։ Մայրաքաղաքի մտավորականության ներկայացուցիչները շատ հետաքրքրված էին էզոթերիկով և միստիկով, նրան շատ հոգևոր հարցեր էին տալիս կյանքի իմաստի վերաբերյալ, որոնք անհանգստացնում էին նրանց:

Իր կյանքի մեծ մասը նա փնտրում էր էզոթերիկ գիտելիքներ, սովորում էր արևելքի և արևմուտքի գաղտնի դպրոցներում և վանքերում և իր դարաշրջանի ամենաառեղծվածային դեմքերից մեկն էր:

Գյուրջիևը շատ է ճանապարհորդել Ասիայի և Աֆրիկայի տարբեր երկրներով։ Այնտեղ նա ցանկանում էր գտնել «ինչպես է աշխատում աշխարհը» հարցի պատասխանը: Նրա այցելած երկրների թվում են Հունաստանը, Եգիպտոսը, Թուրքիան, Աֆղանստանը, Թուրքեստանը, ինչպես նաև Մերձավոր Արևելքի այլ վայրեր: Իր ճանապարհորդությունների ընթացքում նա ուսումնասիրել է տարբեր հոգևոր ավանդույթներ՝ Արևելյան քրիստոնեություն, բուդդիզմ և մեծ մասամբ Սուֆիզմ։ Շփվել է դերվիշների հետ և ենթադրաբար մի քանի անգամ մասնակցել է սուֆիների Սարմունյան եղբայրության պրակտիկային։

Գեորգի Իվանովիչը ուժեղ ազդեցություն է ունեցել Եվրոպայի և Ամերիկայի հասարակության ամենատարբեր շերտերի վրա, երբ հիմնադրել է «մարդու ներդաշնակ զարգացման ինստիտուտը»: Վերջինիս գործունեությունը նվիրված էր մարդու անձնական աճին, նրա գիտակցությանը և էությանը:

Գեորգի Գյուրջիևը մահացել է 1949 թվականի հոկտեմբերի 29-ին Ֆրանսիայում։