Այվազովսկու հազվագյուտ աշխատանքը առցանց աճուրդի է հանվել

ARTinvestment.RU առցանց աճուրդում ցուցադրվել են հայկական ծագումով ռուս ականավոր ծովանկարիչ Հովհաննես Այվազովսկու «Նավը փոթորկոտ ծովում» 1883 թվականի հազվագյուտ աշխատանքը և 1930-ականների առաջին կեսի Գեորգի Արտեմովի «Դիցաբանական տեսարան» հսկա աշխատանքը, գրում է kulturomania.ru-ն։

Այվազովսկու նկարի գինը 3 000 000 ռուբլի էր, Արտեմովինը` 15 000 000։

«Ընթացիկ աճուրդում ներկայացված է ռուս գլխավոր ծովանկարչի գրաֆիկական արվեստի հիանալի օրինակ։

Նավը փոթորկված ծովում նկարչի ամենասիրելի թեման է, և նույնիսկ իր գրաֆիկայում Այվազովսկին առանձնակի ցայտունությամբ է փոխանցում նավի պայքարը տարրերի հետ: Որակյալ աշխատանքը կարող է զարդարել նկարչի վարպետության ցանկացած գիտակ հավաքածուն։

Հարկ է նշել, որ կատարողականության առումով նման նկարները շատ հազվադեպ են շուկայում», — ասել է ARTinvestment.RU-ի տնօրեն Եգոր Մոլչանովը:

Գեորգի Արտեմովը Փարիզի դպրոցի վառ ներկայացուցիչն է, ով իր ոճով ապշեցուցիչ տարբերվում է բոլորից։

«Դիցաբանական տեսարանը» նկարչի լավագույն գործերից է, առաջին հերթին կատարման հմտության առումով։