Ազատ Ղարիբյան․ Հայ պարարվեստի նվիրյալը

Alpha News-ը շարունակում է ներկայացնել «Ալֆա պերսոնա» շարքը:

1923 թվականի հուլիսի 25-ին Երևանում ծնվել է պարուսույց, բալետի արտիստ, բալետմայստեր, ՀԽՍՀ ժողովրդական արտիստ Ազատ Ղարիբյանը:

Ավարտել է Երևանի պարարվեստի ուսումնարանը, իսկ ավելի ուշ սովորել է Լենինգրադի Վագանովայի անվան պարարվեստի ուսումնարանում:

Կրթություն ստանալով ժամանակի լավագույն ուսումնարաններից մեկում՝ նա սկսել է աշխատել Երևանի Ա. Սպենդիարյանի անվան օպերայի և բալետի թատրոնում՝ որպես բալետի արտիստ:

1962 թվականից Ղարիբյանը դարձել է Հայաստանի Թ. Ալթունյանին երգի-պարի պետական անսամբլի գլխավոր բալետմայստեր և գեղարվեստական ղեկավար, իսկ ավելի ուշ՝ Հայաստանի երգի-պարի համույթի պարուսույց։

Նշենք, որ հենց Ազատ Ղարիբյանն է կազմակերպել Երևանի պարարվեստի դպրոցի հայկական ժողովրդական պարի բաժինը։ Նա նաև «Կռունկ» պետական համույթի հիմնադիրն էր, որը հետագայում սկսեց կրել նրա անունը:

Ղարիբյանը ղեկավարել է երաժշտական և պարային խմբեր Արցախում, Վանաձորում, Արմավիրում, Թալինում, ինչպես նաև Հայաստանից դուրս՝ Կանադայում և Սիրիայում:

Բալետմայստերը կյանքից հեռացել է 1988 թվականի մայիսի 18-ին։