Բացարձակապես չի կարելի հրաժարվել Թուրքիայի կողմից Հայոց ցեղասպանությունը ճանաչելու փաստից. ԵԽ պատգամավոր

«Այսօր մենք բազմաթիվ հայտարարություններ և բանավեճեր ենք լսել Եվրախորհրդարանում, և մարդկանց մեծամասնության ելույթներում գլխավորն այն էր, որ Թուրքիան երբեք չի ճանաչել այն, ինչ իրագործել է»,- Alpha News-ին ասել է Եվրախորհրդարանի չեխ պատգամավոր Մարկետա Գրեգորովան՝ Հայոց ցեղասպանության 110-րդ տարելիցի կապակցությամբ խորհրդարանում արված հայտարարությունից հետո:

Նրա խոսքով՝ հիշում են 110 տարի առաջ տեղի ունեցած ցեղասպանությունը, բայց դրանից դասեր չեն քաղում։

«Ես կարծում եմ, որ եթե մենք երբեք դասեր չքաղենք անցյալից, և դա վերաբերում է ոչ միայն Թուրքիային և Հայաստանին, այլ նաև Թուրքիային և շատ այլ երկրներին, Թուրքիային և միգրանտներին, և, իհարկե, Ադրբեջանին և Թուրքիային, Ադրբեջանին և Լեռնային Ղարաբաղում կատարված էթնիկ զտումներին, և մենք երբեք չենք կարող պատշաճ կերպով շարժվել դեպի ապագա:

Սա մեծ խնդիր է ԵՄ-ի դիրքավորման տեսանկյունից, քանի որ մենք ունենք գազի և նավթի փոխըմբռնման հուշագիր Ադրբեջանի հետ։ Թուրքիայի հետ բավականին լայնածավալ գործարքներ կան միգրանտների պատճառով, բայց նրանք վտարում են նրանց։ Եվ մենք չենք ընդունում, որ Հայաստանում, ցավոք, Վրաստանում տեղի ունեցածից հետո, տարածաշրջանի վերջին ժողովրդավարությունն է։ Եվ մենք նրանց չենք աջակցում, այլ գործեր ենք անում ինչպես միշտ բոլորի հետ: Այսպիսով, այս ամենը փոխկապակցված է:

Մենք հիշում ենք 110 տարի առաջ տեղի ունեցած ցեղասպանությունը, բայց դրանից ոչ մի դաս չենք քաղել։ Էթնիկ զտումը գործնականում ցեղասպանության կրկնություն էր։ Եվ մենք պարզապես նորից կկրկնենք այն, եթե դրանից երբեք դասեր չքաղենք»,- ասել է ԵԽ պատգամավորը:

Խոսելով այն մասին, թե արդյոք Հայաստանը պետք է հանուն Թուրքիայի հետ հաշտեցման հրաժարվի իր քաղաքական օրակարգում Թուրքիայի կողմից Հայոց ցեղասպանության ճանաչման փաստից, նա պատասխանել է.

«Ոչ, բացարձակապես: Դա նման է նրան, որ հրեա ժողովրդին խնդրեն՝ հրաժարվել 1939-1945 թվականներին Գերմանիայում տեղի ունեցածից: Դրանից երբեք չի կարելի հրաժարվել, և դա ճիշտ է: Դուք երբեք չպետք է հրաժարվեք դրանից: Համենայնդեպս, Գերմանիան ընդունել և բազմիցս ներողություն է խնդրել, և, կարծում եմ, այդ ժամանակից ի վեր կատարել է իր միջնորդի դերը ժողովրդավարական աշխարհում: Մենք չենք կարող նույնը ասել Թուրքիայի մասին»։