Բալետի պարուհի Թամարա Թումանովային նվիրված ցուցահանդես՝ Մոսկվայի հայկական թանգարանում
20 Նոյեմբերի 2024, 20:20
Նոյեմբերի 20-ին Մոսկվայի հայկական թանգարանում տեղի կունենա հայտնի բալետի պարուհի, դերասանուհի և պարուսույց Թամարա Թումանովային նվիրված ցուցահանդես: Ցուցահանդեսը հիմնված է վավերագրական նյութերի վրա՝ Թումանովների ընտանիքի ժառանգ Վ. Ի. Շուլյատիկովի անձնական հավաքածուից, ինչպես նաև Ալեքսանդր Սոլժենիցինի անվան ռուսական կենտրոնի հավաքածուից:
1930-ական թվականներից Թումանովան նվաճել է Եվրոպայի և Ամերիկայի բոլոր առաջատար բալետային բեմերը։ Նրա տեխնիկան կատարելագործված էր, դինամիկ և միշտ անմոռանալի տպավորություն էր թողնում հանդիսատեսի վրա։
1943 թվականին ԱՄՆ քաղաքացիություն ստանալուց հետո Թումանովայի բեմական անունը դարձավ նրա պաշտոնական ազգանունը։ Աղբյուրները վկայում են նրա հայկական, վրացական, ռուսական, լեհական արմատների մասին։
Հիմա եթերում
