Բաքուն պատասխանատվություն չի կրում Մոսկվայի հետ հարաբերությունների վատթարացման համար․ Ալիև

Ադրբեջանի նախագահ Իլհամ Ալիևը կարծում է, որ իր երկիրը պատասխանատու չէ Ռուսաստանի հետ հարաբերությունների վատթարացման համար։

«Ադրբեջանը պատասխանատվություն չի կրում Ռուսաստանի հետ հարաբերությունների վատթարացման համար և երբեք չի հանդուրժի ագրեսիան կամ անհարգալից վերաբերմունքը»,- ասել է նա «Ալ Արաբիա» հեռուստաալիքին տված հարցազրույցում։

Խոսելով Եկատերինբուրգում նախորդ տարիներին տեղի ունեցած սպանությունների հետ կապված հանցավոր խմբավորման անդամների ձերբակալությունների մասին՝ Ալիևը այն որակել է որպես «Ռուսաստանում գտնվող ադրբեջանցիների վրա անհիմն հարձակումներ»։