Բաքուն վախենում է, որ ֆրանսիական զենքի մատակարարումը Հայաստանին կուժեղացնի Ղարաբաղի հարցը բարձրացնելու հայերի ձգտումը. Սերգեյ Ֆյոդորով

Ռուսաստանի գիտությունների ակադեմիայի Եվրոպայի ինստիտուտի առաջատար գիտաշխատող, Ֆրանսիայի գծով մասնագետ, քաղաքական գիտությունների դոկտոր Սերգեյ Ֆյոդորովը Alpha News-ի հետ զրույցում մեկնաբանել է Ադրբեջանի հայտարարությունն այն մասին, որ Ֆրանսիան շատ ապակառուցողական դեր է խաղում Հարավային Կովկասում և «վատ խորհուրդներ» է տալիս Հայաստանին:

Փորձագետի կարծիքով՝ Ադրբեջանը նման հայտարարություն է արել, քանի որ ձգձգվում է պայմանագրի ստորագրումը:

«Բաքուն վախենում է, որ Ֆրանսիան ինչ-որ սպառազինություն կմատակարարի Հայաստանին, և դա կուժեղացնի հայերի մի մասի ձգտումը, այնուամենայնիվ, կրկին բարձրացնել Ղարաբաղի հարցը, և որ, հնարավոր է, դա կլինի ուժային ճանապարհով։ Թեև ներկայումս դա քիչ հավանական է թվում։ Ֆրանսիան այն երկիրը չէ, որը կարող է մինչև ատամները զինել Հայաստանին, որը թույլ կտա Հայաստանին ռազմական ճանապարհով հարաբերություններ պարզել Ադրբեջանի հետ և վերականգնել վերահսկողությունը Ղարաբաղի նկատմամբ:

Այնուամենայնիվ, հասկանալի է, թե ինչու է Ֆրանսիան աջակցում Հայաստանին, քանի որ Ֆրանսիայում բավականին ազդեցիկ հայկական սփյուռք կա, ավելի քան կես միլիոն մարդ, այնտեղ շատ էթնիկ հայեր կան՝ քաղաքական գործիչներ, գործարարներ և այլն։ Այս առումով Հայաստանը մոտ է Ֆրանսիային, ֆրանսիացի բնակչությանը, էլ չեմ խոսում աշխարհահռչակ շանսոնյեների մասին, ինչպիսին Ազնավուրն է», — ասել Է Ֆյոդորովը։