Բելգորոդի մարզում բացվել է հայկական պարերի երկու դպրոց
23 Փետրվարի 2024, 16:56
![](https://media.alphanews.am/wp-content/uploads/2024/02/22172014/Screenshot-2024-02-22-171922.png)
Բելգորոդում հունվարի 21-ից գործում է «Արմաթ» պարի դպրոցը, իսկ օրերս Ստարի Օսկոլում տեղի է ունեցել հայկական ժողովրդական պարերի «Կիլիկիա» դպրոցի բացումը: Այս մասին հայտնում է ՌՀՄ տելեգրամյան ալիքը։
«Մենք այնքան հպարտ ենք մեր երեխաներով, երիտասարդ սերնդով։ Այս պայմանները ստեղծվել են մեր երեխաների ներուժը բացահայտելու համար։ Մենք կաշխատենք, որպեսզի մարզի երկու խոշոր քաղաքները՝ Բելգորոդը և Ստարի Օսկոլը, միասին վարեն այս գործը և փորձ ձեռք բերեն»,- նշել է Բելգորոդի ՌՀՄ նախագահ Էդգար Խերիմյանը։
Նա նաև ասել է, որ այսօր վերակենդանացնում են հայկական մշակույթն ու ավանդույթները։
«Ապրելով այստեղ՝ Ստարի Օսկոլում, շատերը միմյանց լավ չեն ճանաչում։ Մեր նպատակներից մեկը մեր քաղաքի հայերին միավորելն է։ Ուզում եմ, որ մեր երեխաները ճանաչեն միմյանց և ընկերություն անեն, իսկ մենք կաջակցենք նրանց», — ընդգծել է Բելգորոդի մարզի ՌՀՄ խորհրդի անդամ Օլեգ Պապյանը։
Նշվում է նաև, որ դպրոցն ունի շուրջ 150 աշակերտ, իսկ ընդունելությունն այս պահին արդեն փակված է: