Բուենոս Այրեսում բացվել է «Գունավոր կամուրջներ. Հայաստանը և Արգենտինան մանկական արվեստի միջոցով» ցուցահանդեսը

Բուենոս Այրեսի երկհարյուրամյա տուն-թանգարանում բացվել է «Գունավոր կամուրջներ. Հայաստանը և Արգենտինան՝ մանկական արվեստի միջոցով» ցուցահանդեսը, որը բաղկացած է 6-ից 16 տարեկան աղջիկների, տղաների և դեռահասների հարյուր ստեղծագործություններից:
Բացման արարողությանը ներկա էին Արգենտինայում ՀՀ դեսպան Հովհաննես Վիրաբյանը, ազգային ներկայացուցիչ Լիլիա Լեմուանը, Արգենտինա-Հայաստան պատգամավորական բարեկամության խմբի նախագահ Ռոդոլֆո Ռաուն, երկուհարյուրամյա տուն-թանգարանի տնօրեն Ռոդոլֆո Ռաուն, մշակույթի ազգային քարտուղարության դիվանագիտական և ինստիտուցիոնալ ներկայացուցիչներ և իշխանության ներկայացուցիչներ։

Հովհաննես Վիրաբյանն ընդգծել է, որ ներկայացված աշխատանքները շատ ավելին է, քան գծանկարները.

«Դրանք գույների և զգացմունքների կամուրջ են, որը միավորում ենմեր երկու ազգերին երևակայության, ստեղծագործության, մշակույթի և փոխադարձ սիրո կապերով։ Գծանկարները վկայություններ են, որ բարեկամությունը սահմաններ չի ճանաչում, և որ արվեստը մեզ միավորող համամարդկային լեզու է»։

Աշխատանքներն արտացոլում են երեխաների և երիտասարդների հայացքները Հայաստանի, Արգենտինայի, արվեստի և կյանքի մասին և անդրադառնում են տարբեր թեմաների, որոնք ներառում են երկու երկրների բնապատկերներ:

Միջոցառման ընթացքում ներկաները շրջել են ցուցասրահում։ Ցուցահանդեսի բացման ժամանակ հնչել է ավանդական երաժշտություն, ինչպես նաև մատուցել է հայկական ուտեստներ։
Նյութը` diarioarmenia-ի։