Վարդան Հարությունյանը նոկդաունով հաղթել է նամիբիացի մրցակցին

Ռուսաստանաբնակ հայազգի բռնցքամարտիկ Վարդան Հարությունյանը վաղաժամ հաղթանակ է տարել նամիբիացի Կարեբ Շիտանի նկատմամբ RCC Boxing պրոմոուշենի բռնցքամարտի մրցաշարում, որը տեղի է ունեցել մարտի 15-ի գիշերը Եկատերինբուրգում:

Մենամարտն ավարտվել է հենց առաջին ռաունդում. Հարությունյանը երկու անգամ նոկդաունի է ենթարկել մրցակցին, որից հետո մրցավարը դադարեցրել է մենամարտը:

Վարդանի համար այս հաղթանակը 10-րդն էր պրոֆեսիոնալ կարիերայում, որից 7-ն ավարտել է ժամկետից շուտ։