Ծաղկաձորում պատրաստվելու համար կան բոլոր պայմանները․ ՌԴ չեմպիոն Ելիզավետա Պանտրինա
19 Հունվարի 2024, 10:10
![](https://media.alphanews.am/wp-content/uploads/2024/01/18153757/9lvg2c762m36oeck3c7kvwo2tpxeyija-1.jpg)
Դահուկավազքի Ռուսաստանի չեմպիոն Ելիզավետա Պանտրինան հայտնել է, որ Ռուսաստանի հավաքականի կազմում կնախապատրաստվի ամենաուժեղների սպարտակիադային։ Ինչպես գրում է asnta.ru-ն, հավաքները կտևեն 12 օր և կանցկացվեն Հայաստանում՝ Ծաղկաձորում:
«Հայաստանում պատրաստվելու համար կան բոլոր պայմանները՝ բարձրություն, ձյուն։ Մենք փորձեցինք այս վայրը ամռանը և գոհ մնացինք։ Այո, ֆիզիկական պատրաստվածությունն այժմ վատ չէ, բայց միևնույն է, աշխատելու բան ունեմ, որպեսզի ամենաուժեղների սպարտակիադայի և Ռուսաստանի առաջնության համար օպտիմալ մարզավիճակում լինեմ», — նշել է նա։
Ծաղկաձոր առողջարանային քաղաքը գտնվում է 1800 մետր բարձրության վրա։ Այն հայտնի վայր է մարզիկների համար դեռ խորհրդային ժամանակներից։ Տեղական կլիման և շրջակա միջավայրը զգալիորեն բարձրացնում են հեմոգլոբինի մակարդակը մարզիկների արյան մեջ: