Չայկովսկու անվան մրցույթում բրոնզե մեդալներ են նվաճել Ելենա Տարոսյանը և Իլյա Պապոյանը

Դաշնակահար Իլյա Պապոյանը և ջութակահար Ելենա Տարոսյանը, հաջողությամբ անցնելով Չայկովսկու անվան XVII միջազգային մրցույթի բոլոր փուլերը, նվաճել են բրոնզե մեդալներ։

Մոսկվայի կոնսերվատորիայի մեծ դահլիճում հրապարակվել են Չայկովսկու անվան 17-րդ միջազգային մրցույթի դաշնամուրային մասնագիտության հաղթողների անունները։
3-րդ մրցանակը՝ 10.000 դոլար, Իլյա Պապոյանը կիսել է ռուսաստանցի երաժիշտի՝ Ստանիսլավ Կորչագինի հետ։

Բրոնզե մեդալի է արժանացել նաև ջութակահար Ելենա Տարոսյանը։ Նա իր հորիզոնականը կիսել է Չինաստանի և Ռուսաստանի ներկայացուցիչների հետ։