Չելյաբինսկում կցուցադրվի «Մսյո Ազնավուր» ֆիլմը

Այսօր՝ նոյեմբերի 15-ին, Չելյաբինսկի Պուշկինի անվան կինոթատրոնում կցուցադրվի աշխարհահռչակ լեգենդար շանսոնյե, երգահան, բանաստեղծ, գրող, կինոդերասան և հասարակական գործիչ Շառլ Ազնավուրի կյանքի ու գործունեության մասին պատմող «Մսյո Ազնավուր» ֆիլմը։

Ազնավուրին մարմնավորել է «Սեզար» մրցանակի դափնեկիր, «Ոսկե գլոբուս» և BAFTA մրցանակների կրկնակի հավակնորդ Թահիր Ռահիմը, ով հայտնի է դարձել «Մարգարեն», «Նապոլեոն» և «Մավրիտանացին» ֆիլմերում իր ակնառու դերերով։ Ֆիլմի ռեժիսորներն են Մեհդի Իդիրը և Գրան Կոր Մալյարդը։

Սյուժեն պատմում է մեծ արտիստի կյանքի մասին՝ նրա առաջին քայլերից մինչև համաշխարհային հռչակ ձեռք բերելը. այն մասին, թե ինչպես է մի մարդու հաջողվել հաղթահարել բազմաթիվ դժվարություններ և նշանակալից հետք թողնել երաժշտական աշխարհում իր յուրահատուկ տաղանդով։

Ֆիլմը կցուցադրվի ֆրանսերեն՝ ռուսերեն ենթագրերով։