Չեխովի փառատոնի ընթացքում կկայանա Նարինե Գրիգորյանի «Մումու» ներկայացման համաշխարհային պրեմիերան.
23 Մայիսի 2023, 10:25
![](https://media.alphanews.am/wp-content/uploads/2023/05/23095721/photo1684820403.jpeg)
Մոսկվայում մեկնարկել է Չեխովի անվան XVI միջազգային թատերական փառատոնը, որի ընթացքում կկայանա հայ ռեժիսոր Նարինե Գրիգորյանի «Մումու» ներկայացման համաշխարհային պրեմիերան։
Չեխովի անվան միջազգային թատերական փառատոնն այս տարի նվիրված է իր ստեղծող Վալերի Շադրինի հիշատակին։
Նարինե Գրիգորյանը դերասանուհի է, ռեժիսոր, ՀՀ վաստակավոր արտիստ, «Արտավազդ» ազգային թատերական մրցանակի բազմակի դափնեկիր «Լավագույն դերասանուհի» և «Լավագույն ռեժիսոր» անվանակարգերում։ Նարինե Գրիգորյանի բեմադրությունները մասնակցել են բազմաթիվ միջազգային թատերական փառատոների։
Չեխովի XVI միջազգային թատերական փառատոնի ցուցադրությունները կշարունակվեն մինչև հոկտեմբեր։ «Մումու»-ի պրեմիերան կկայանա մայիսի 25-27-ը Տագանկայի թատրոնում։