Չինաստանում բացվել է Հայաստանի առաջին տաղավարը
26 Հուլիսի 2023, 09:10
![](https://media.alphanews.am/wp-content/uploads/2023/07/25170332/f2db8286-5234-4071-8a44-9359561aab6a.jpg)
Չինաստանի Ցինդաո քաղաքի միջազգային համաժողովների կենտրոնում բացվել է Հայաստանի Առաջին տաղավարը:
Կենտրոնում այսուհետ մշտապես կներկայացվեն Հայաստանի պատմությունն ու մշակույթը, ինչպես նաև տեղեկատվություն զբոսաշրջության և գործարար ոլորտների մասին:
«Մոտ ապագայում մեր ծրագրերում է տաղավարում ներկայացնել զբոսաշրջային ներուժը, հայկական տեխնոլոգիական և ՏՏ ոլորտի նորարարական մշակումները», — ասել է ՀՀ էկոնոմիկայի նախարարության Նորամուծության և ձեռներեցության ազգային կենտրոնի գործադիր տնօրեն Հայկ Մարգարյանը` հավելելով, որ այսուհետ արտադրողները կարող են դիմել կենտրոն՝ չինական շուկա մուտք գործելու և նոր կապեր հաստատելու համար այս հարթակն օգտագործելու նպատակով:
![](https://media.alphanews.am/wp-content/uploads/2023/07/25171509/123-2-772x1024.jpg)
![](https://media.alphanews.am/wp-content/uploads/2023/07/25171520/c6921e17-4206-4cea-b1fd-38587495327f-1-1024x929.jpg)