Չկա մեծ սեր, քան այն, որ մեկը կյանքը տալիս է իր երկրի համար․ հոգեհանգստյան կարգ՝ Արցախում
30 Հունիսի 2023, 11:23
![](https://media.alphanews.am/wp-content/uploads/2023/06/30082255/356952684_807143471008625_4137033168104142850_n.jpg)
Արցախի մայրաքաղաքի Սուրբ Աստվածածին առաջնորդանիստ եկեղեցում՝ Տեր Մատթեոս քահանա Դրավանցի ձեռամբ կատարվել է հոգեհանգստյան կարգ՝ հունիսի 28-ի գիշերը ադրբեջանական սադրանքի հետևանքով նահատակված հերոսների հոգիների խաղաղության համար։
«Արցախպրես»-ի թղթակցի հետ զրույցում Տեր Մատթեոս քահանա Դրավանցը նշել է, որ Հայ Առաքելական եկեղեցին հոգեհանգստյան կարգը նախ և առաջ կատարում է բոլոր իր այն զավակների համար, ովքեր ժամանակավոր կյանքը թողեցին պատերազմի, վթարների, հիվանդության, դժբախտ պատահարների պատճառով։
![Нет описания.](https://scontent.fevn6-1.fna.fbcdn.net/v/t1.15752-9/357140136_1006238804123377_6453437848370737287_n.jpg?_nc_cat=110&ccb=1-7&_nc_sid=ae9488&_nc_ohc=4CLyuK2dytgAX8KAtV2&_nc_ht=scontent.fevn6-1.fna&oh=03_AdS3EGnfTIr51XnkbOy64QQs-BnS-oymrz5ddln0rslOcA&oe=64C53D2D)
«Ապրողները պարտավոր են ննջեցյալների համար աղոթել, որ Աստված իրենց մեղքերին թողություն տա և հոգուն հանգստություն պարգևի: Հոգու համար շատ կարևոր է աղոթողների բանակը, դրա համար մենք հավաքվել ենք այստեղ այդ հոգեգանգստյան կարգ կատարելու մեր նոր զոհված տղաների համար, և ոչ միայն։
Մենք հավատում ենք, որ տղաները, միանշանակ, տեղափոխվեցին երկնային արքայություն, քանի որ Քրիստոսն ասել է՝ չկա մեծ սեր, քան այն, որ մեկը կյանքը տալիս է իր ընտանիքի, հարազատի, երկրի, ժողովրդի համար»,- նշել է հոգևոր հայրը՝ ընդգծելով, որ տղաները գիտակցաբար գնացել են դիրքեր պահելու, որպեսզի իրենց ընտանիքները հանգիստ քնեն, Քրիստոս եկել է հենց այդ բեռն ու ցավն իր վրա վերցրել՝ խաչի միջոցով:
![Нет описания.](https://scontent.fevn6-5.fna.fbcdn.net/v/t1.15752-9/357608420_956219528934919_8933875289430662240_n.jpg?_nc_cat=107&ccb=1-7&_nc_sid=ae9488&_nc_ohc=8eHV_GwqX_YAX_Keom5&_nc_ht=scontent.fevn6-5.fna&oh=03_AdTg6Jk57csC6CsHw2yllDx2n-CNZxiDPXWQHCsNEU8a6Q&oe=64C55A64)
«Սուրբ Հոգին պետք է գործի ընտանիքների վրա, ծնողների մեջ, որ իրենք հույսը չկտրեն, որ իրենց որդիները գնացել են երկնքի արքայություն։ Թողել են այս մեղսավոր աշխարհը և տեղափոխվել ամենամաքուր տեղը, որտեղ Քրիստոսն Է իր հոծ բազմությամբ՝ ամբողջ հավատացյալների հետ միասին»,- ընդհանրացրել է Տեր Մատթեոս քահանա Դրավանցը:
![Нет описания.](https://scontent.fevn6-2.fna.fbcdn.net/v/t1.15752-9/357025550_593021576274492_931537611323372313_n.jpg?_nc_cat=109&ccb=1-7&_nc_sid=ae9488&_nc_ohc=5ur0xgcrmH0AX_obrzS&_nc_ht=scontent.fevn6-2.fna&oh=03_AdQi6G3HmC7-kOtuMGgSabO4g6MYuRVfJ-V3230cZbIKvw&oe=64C5277A)
![Нет описания.](https://scontent.fevn6-6.fna.fbcdn.net/v/t1.15752-9/353885028_1699605570541718_5048998412445424139_n.jpg?_nc_cat=102&ccb=1-7&_nc_sid=ae9488&_nc_ohc=N0IGgEydgQoAX_6sX7N&_nc_ht=scontent.fevn6-6.fna&oh=03_AdQIdI2w8_LDKQrfkb30-w3lssdnZItM-3Ro3tI4RWiWOQ&oe=64C5237B)
![Нет описания.](https://scontent.fevn6-1.fna.fbcdn.net/v/t1.15752-9/354474203_244587118321437_3390001997518001253_n.jpg?_nc_cat=110&ccb=1-7&_nc_sid=ae9488&_nc_ohc=l8_svMYcF9kAX800et5&_nc_ht=scontent.fevn6-1.fna&oh=03_AdQCGpTDo3o71wH2Dhb04G3p62GDt-y2N1oZ3z3WpBrBrw&oe=64C52976)
![Нет описания.](https://scontent.fevn6-1.fna.fbcdn.net/v/t1.15752-9/357341849_658848865717832_6335682648002281558_n.jpg?_nc_cat=110&ccb=1-7&_nc_sid=ae9488&_nc_ohc=fTrMliqtNtkAX8gNz0U&_nc_ht=scontent.fevn6-1.fna&oh=03_AdQrXALu8C0wahyV-yCKhF7g0uXEKft1bzUH0dvcDY8dig&oe=64C5588C)
![Нет описания.](https://scontent.fevn6-1.fna.fbcdn.net/v/t1.15752-9/356952684_807143471008625_4137033168104142850_n.jpg?_nc_cat=110&ccb=1-7&_nc_sid=ae9488&_nc_ohc=CKKh4T0mSp4AX_TsUpR&_nc_ht=scontent.fevn6-1.fna&oh=03_AdQKIxQE4EH2ocriN6p0mQywl2BU-ktQDOm2q2uYu6bwpg&oe=64C548CF)
![Нет описания.](https://scontent.fevn6-6.fna.fbcdn.net/v/t1.15752-9/353884615_5741843482582946_3010253313621513815_n.jpg?_nc_cat=102&ccb=1-7&_nc_sid=ae9488&_nc_ohc=GfxlQx5jGi8AX8mSL0P&_nc_ht=scontent.fevn6-6.fna&oh=03_AdQFbcKaNNrdEi57HxkphC_FynkrkXEgz9UZOWNLWoOhtA&oe=64C54194)
![Нет описания.](https://scontent.fevn6-2.fna.fbcdn.net/v/t1.15752-9/357377474_289037560237632_8584190496595858473_n.jpg?_nc_cat=109&ccb=1-7&_nc_sid=ae9488&_nc_ohc=Zt8IDwk-nGkAX-3UVyv&_nc_ht=scontent.fevn6-2.fna&oh=03_AdQmnSBzf9w1e2Uj6ljRdO7d19QvUP7rSivKbyBiQ5OYJg&oe=64C5488C)
Հիշեցնենք, որ հունիսի 28-ի գիշերը ադրբեջանական զինուժը հրետանային միջոցներից կրակել է Մարտունու եւ Մարտակերտի հայկական դիրքերի ուղղությամբ, ինչի հետեւանքով հայկական կողմը 4 զոհ ունի: