Դարոն Մալաքյան. ամերիկահայ ռոք երաժիշտը
02 Հունվարի 2024, 11:00
![](https://media.alphanews.am/wp-content/uploads/2024/01/02110014/photo1703964722.jpeg)
Alpha News-ը շարունակում է ներկայացնել «Ալֆա պերսոնա» շարքը:
Դարոն Մալաքյանը ամերիկահայ ռոք երաժիշտ, կիթառահար, վոկալիստ, երգերի հեղինակ։ Հայտնի է որպես System of a Down ռոք խմբի առաջնորդ, ինչպես նաև Scars on Broadway խմբի ֆրոնտմեն։
Դարոն Մալաքյանը ծնվել է 1975թ. հուլիսի 18-ին Հոլիվուդում: Նա Իրանից և Իրաքից արտագաղթած Վարդան և Զեփյուռ Մալաքյանների միակ զավակն է։ Վաղ մանկության տարիներին Դարոնը սկսել է լսել հևի մետալ։
Մալաքյանը 11 տարեկանում առաջին անգամ կիթառ է վերցրել։ Պատանեկության տարիներին նա լսել է Slayer, Venom, Metallica, Pantera և այլ ռոք խմբեր։ Այնուհետև սկսել է լսել Beatles-ի երգերը, և Ջոն Լենոնի շատ մեջբերումներ ազդել են նրա վրա՝ որպես կոմպոզիտորի։
Մալաքյանը Թանկյանին հանդիպել է 1993 թվականին, երբ նրանց խմբերը փորձեր էին կատարում նույն ստուդիայում։ Բասիստ Դեյվ Հաքոպյանի և հարվածային գործիքներ նվագող Դոմինգո Լարենոյի հետ հիմնել են Soil խումբը։ Այնուհետև Շավո Օդաջյանը դարձել է նրանց մենեջերը։ Soil-ն փլուզվել է, և Մալաքյանը, Թանկյանը և Օդաջյանը ստեղծեցին System of a Down-ի նոր խումբը։ Խմբի անունը գալիս է Դարոնի բանաստեղծությունից։ Բանաստեղծությունը կոչվում էր Victims of a Down, սակայն Օդաջյանն առաջարկեց «Victims»-ը փոխարինել «System»-ով: Այնուհետև նրանց է միացել հարվածային գործիքներ նվագող Էնդի Խաչատրյանը, որին ավելի ուշ փոխարինել է Ջոն Դոլմայանը։