Դաշնակահար Արմեն Պուչինյանը մասնակցել է «Ռոզա Խուտոր. Դասական» միջազգային փառատոնին

Սոչիում անցկացվել է «Ռոզա Խուտոր. Դասական» միջազգային փառատոնը, որին մասնակցել է նաև դաշնակահար, միջազգային մրցույթների դափնեկիր Արմեն Պուչինյանը:

Նրա նվագակցությամբ տեղի է ունեցել ծրագրի առանցքային իրադարձությունը՝ «Բարիդրացիության հեքիաթներ» համերգ-ընթերցանությունը, որը կատարել են ռուս դերասանները:

Հարցազրույցում հայաստանցի դաշնակահարը նշել է, որ առաջին անգամ է մասնակցում նման նախագծի։