Դերասան Վյաչեսլավ Մանուչարովը պարգևատրվել է ՌԴ Քննչական կոմիտեի պատվոգրով

Թատրոնի և կինոյի դերասան, ռեժիսոր, հեռուստահաղորդավար, Ռուսաստանի վաստակավոր արտիստ Վյաչեսլավ Մանուչարովը ՌԴ Քննչական կոմիտեի նախագահ Ա. Ի. Բաստրիկինի հրամանով պարգևատրվել է պատվոգրով: Այս մասին դերասանը հայտնել է տելեգրամյան իր ալիքում՝ գրառմանը կցելով լուսանկար։

Մրցանակը Մանուչարովին շնորհվել է ՌԴ Քննչական կոմիտեի առջև դրված խնդիրների լուծման գործում ցուցաբերած աջակցության համար։

ՌԴ վաստակավոր արտիստ Վյաչեսլավ Մանուչարովը ծնվել է Մոսկվայում։ Հայրական կողմից նա սերում է հին հայկական Մանուչարյանց տոհմից, իսկ մայրական կողմի արմատներով, նա ծագում է բնիկ մոսկվացիներ համարվող հին ազնվական, իշխան Շեպելևների տոհմից։

Նա հայտնի է դարձել 2009թ-ին, երբ էկրան բարձրացավ «Քնքուշ մայիս» (Ласковый май) ֆիլմը։