Դևիդ Դասթմալչյանը երազում է նոր «Սփաունում» որևէ կերպար մարմնավորել

Թոդ Մաքֆարլեյնի կոմիքսների հիման վրա նոր նկարահանվող «Թագավոր Սփաունը» ֆիլմի դերասանական կազմը դեռևս հայտնի չէ։ Ամերիկաբնակ հայազգի դերասան Դևիդ Դասթմալչյանը «Comicbook» պարբերականին տված հարցազրույցում հայտնել է, որ երազում է մարմնավորել ֆիլմի հերոսներից մեկին:

«Ես միշտ Թոդին ասել եմ, որ «Սփաուն»-ի տիեզերքում կան մի քանի տղաներ, և նրանցից մեկը նիհար է, բարձրահասակ և մի փոքր խելագար: Միշտ զգացել եմ, որ այնտեղ տեղ կա ինձ համար: Ես չեմ սիրում գաղափարներ մտցնել ղեկավարների գլխում, բայց ես դրանք պարզապես այնտեղ եմ նետում»,- ասել է դերասանը։

Դասթմալչյանի ընդգծած կերպարը Մաքսիմիլիան «Twitch» Ուիլյամսն է «Sam & Twitch» դետեկտիվից, որն առաջին անգամ հայտնվել է «Spawn №1»-ում և այդ ժամանակից ի վեր դարձել է իր սեփական պատմությունների հերոսը, որտեղ ոստիկանությունը գործ ունի արտասովոր երևույթների հետ՝ «Սփաուն» տիեզերքում սուպերհերոսներ, դևեր և այլն։