Դժվարացնում են կյանքը, որ բիզնեսը փակենք, գնանք, դատարկվի Հայաստանը ու էդ վակուումը լրացնեն թուրքերը. անհատ ձեռներեց
30 Հունվարի 2025, 13:16
Կառավարության շենքի դիմաց տնտեսվարողները բողոքի ակցիա են իրականացնում: Նրանք բողոքում են շրջանառության հարկի բարձրացումից, որը 2025 թվականի հունվարի 1-ից բարձրացել է՝ 5-ից 10% դառնալով:
«Մեր գործը թողած, պետք է զբաղվենք թղթաբանությամբ: Բայց մենք առևտրական ենք, ոչ թե թղթաբան: Մեզ համար դժվարեցնում են կյանքը, ամեն ինչը, որ բիզնեսը փակենք, գնանք, դատարկվի Հայաստանը ու էդ վակուումը լրացնեն թուրքերը»,- Alpha News-ի հետ զրույցում ասաց անհատ ձեռներեց Տիգրան Մարտոյանը: