Կինոմարաթոն՝ նվիրված Դմիտրի Խառատյանի 65-ամյակին

21 Հունվարի 2025, 17:10

Հայեր | Մշակույթ

«Մոսֆիլմ. Ոսկե հավաքածու» հեռուստաալիքով տեղի կունենա հայկական ծագումով ռուսաստանցի դերասանը, հեռուստահաղորդավար, կինոպրոդյուսեր, ՌԴ ժողովրդական արտիստ Դմիտրի Խառատյանի մասնակցությամբ կինոմարաթոն՝ նվիրված նրա ծննդյան 65-ամյակին:

Մարաթոնը մեկնարկել է այսօր՝ հունվարի 21-ին, ժամը 10:35-ին, «Մոսֆիլմ. Ոսկե դար» հատուկ նախագծի շրջանակներում, որտեղ Խառատյանը հանդես է գալիս որպես հաղորդավար։
Դերասանը հանդիսատեսին պատմում է կինոստուդիայում աշխատելու նրբությունների մասին, այն մասին, թե ինչպես են ստեղծվել երաժշտական ֆիլմերի հիթերը և այլն: Մարաթոնը շարունակում է Լեոնիդ Գայդայի «Մասնավոր դետեկտիվ, կամ օպերացիա համագործակցություն» կատակերգությունը, որը դարձել է Խառատյանի առաջին աշխատանքը հայտնի ռեժիսորի հետ: Այնուհետև հանդիսատեսը կդիտի դերասանի դեբյուտային աշխատանքը կինոյում՝ Վլադիմիր Մենշովի «Չար կատակ» ֆիլմը։

Դրանից հետո կսկսվի «Աղվեսի որսը» ֆիլմը, որտեղ Խառատյանը մարմնավորել է հանցագործություն կատարած, բայց բանտից փախած դեռահասի։

Դերասանի ամենահայտնի ֆիլմերից մեկը «Գարդեմարիններ, առաջ» ֆիլմը, որտեղ մարմնավորել է գարդեմարին Ալյոշա Կորսակին, կցուցադրվի 19:40-ին, իսկ 01:00-ին՝ «Վիվատ, գարդեմարիններ» ֆիլմը: Մարաթոնը կավարտվի ժամը 03:10-ին՝ «Աննա թագուհու գաղտնիքը կամ հրացանակիրները 30 տարի անց» ֆիլմի ցուցադրությամբ, որում Խառատյանը մարմնավորել է միանգամից երկու կերպարի՝ Լյուդովիկոս 14-րդ թագավորին ու նրա երկվորյակ եղբորը, որը բանտարկված էր:

Դմիտրի Խառատյան