«Ձայների գողությունը բերելու է հեղափոխության, սա պետք է հասկանա իշխանությունը». Ռոբերտ Քոչարյան

Պատասխանելով Սպուտնիկ Արմենիա-ի լրագրողի հարցին, թե արդյոք խորհրդարանական ընտրությունների ժամանակ հնարավոր է, որ իշխանությունը խոչընդոտի ընդդիմադիր կուսակցությունների աշխատանքը, ՀՀ երկրորդ նախագահ Ռոբերտ Քոչարյանը նշել է.

«Չեմ կասկածում, որ իշխանությունը փորձելու է Մոլդովայի օրինակը կիրառել նաև Հայաստանում։ Երբ բախվում են աշխարհաքաղաքական շահերը, բոլորը մոռանում են ժողովրդավարության մասին։ Սա փաստ է։ Այս պահին մենք չունենք դրսի քվեարկություն։ Եթե լիներ, պատկերն ամբողջությամբ հակառակ կլիներ։ Ամեն դեպքում պետք է պատրաստ լինենք։

Քաղաքացիական պայմանագիր կուսակցությունը պետք է հասկանա, որ նման գործողությունները կարող են բերել հեղափոխության։ Եթե այդ հեղափոխության վտանգը կախված լինի երկրի վրա, ոչ ոք չի համարձակվի որևէ խախտում անել։ Ձայների գողությունը բերելու է հեղափոխության։ Սա պետք է հասկանա իշխանությունը։ Ուստի պետք է լինի այնքան թեժ պայքար, որ այդ սպառնալիքը ստիպի իշխանությանը գործել չափի մեջ», — ընդգծել է Քոչարյանը։