Ձյուդոիստ Արման Ադամյանն իր քաշային կարգում աշխարհի լավագույն տասնյակում է

Մարզիկ Արման Ադամյանը 100 կգ քաշային կարգում հայտնվել է աշխարհի լավագույն ձյուդոիստների տասնյակում: Ուժեղագույնների վարկանիշը հրապարակել է Ռուսաստանի ձյուդոյի ֆեդերացիան:

Մինչև 100 կգ քաշային կարգում Արման Ադամյանը 5-րդն է համաշխարհային վարկանիշում, իսկ Վալերի Էնդովիցկին +100 կգ քաշային կարգում զբաղեցրել է 10-րդ հորիզոնականը:

Արման Ադամյանը մինչև 100 կգ քաշային կարգում աշխարհի 2023 թվականի չեմպիոն է, նա նաև ոսկե մեդալ է նվաճել այդ կատեգորիայում 2019 թվականին Մինսկում կայացած Եվրոպական խաղերում: 2023 թվականին Ադամյանին շնորհվել է Ռուսաստանի սպորտի վաստակավոր վարպետի կոչում։ 2024 թվականին ձյուդոյի Եվրոպայի առաջնությունում Արման Ադամյանը արծաթ է նվաճել: